Savevas Vus gia …?
Tge che Svizras e Svizzers a l’exteriur pensan da lur pajais d’origin?
«En Svizra datti ina massa votaziuns. Là na datti nagin vent da la mar ed igl è memia perfect.»
«Ella ha en dapertut la detta, ma lascha la detta da tut.»
«Cun la Svizra associesch jau la colur verda. (…) I sa tracta d’in grond pajais affilià al Principadi dal Liechtenstein. La Svizra vul adina esser integrada, ma stat adina dapersai.»
«Tranter 7 milliuns abitants inscuntr’ins plitost pli paucs idiots che tranter 80 milliuns.»
«Ils Svizzers han in aut standard da vita, els discurran numerus differents dialects ed èn cools. Els fan gugent festa ed èn loschs da lur liongia da brassar. (…) Tenor mai è il robidog insatge tipic svizzer.»
«La modestadad vegn considerada sco virtid, scumbigliada cun patgifichezza e pratitgada sco indifferenza. La tradiziun è ina mesira cumprovada cunter las midadas, insatge sco camfer u cullas antichamulaunas.»
Nua ch’igl è il pli bel en Svizra?
Plazza 1: Tessin
Plazza 2: Grischun
Plazza 3: Vallais
Ils Svizzers tudestgs han pli gugent il Grischun ch’ils Romands. Lezs favuriseschan il Vallais. Il Tessin han tuts gugent, surtut però las persunas da 15 fin 29 onns. Il Grischun attira giasts in zic pli vegls: el è la regiun preferida da las persunas da 30 fin 49 onns.
Retschertga d’opiniun represchentativa LINK/516 intervistas
Tge citad svizra ch’è la pli populara?
Plazza 1: Lucerna
Plazza 2: Turitg
Plazza 3: Berna
Plazza 4: Genevra, Lugano
Plazza 5: Losanna
La metropola da turissem Lucerna fascinescha las persunas da 30 fin 49 onns. Las persunas sut 30 onns prefereschan la citad da parti Turitg, las persunas sur 50 onns la chapitala federala Berna.
Retschertga d’opiniun represchentativa LINK/505 intervistas
Tge ch’è la tipica tratga svizra?
Plazza 1: fondue
Plazza 2: rösti
Plazza 3: raclette
Fondue vegn stimà fitg en Svizra romanda, pli fitg ch’en Svizra tudestga. Rösti vegn numnà il pli savens da persunas pli veglias. Raclette è cleramain main popular che fondue e quai en Svizra romanda ed en Svizra tudestga.
Retschertga d’opiniun represchentativa LINK/513 intervistas
Tgi che s’interessa il pli fitg per la cultura?
Plazza 1: Svizzers tudestgs, Romands
Plazza 3: Tessinais
Pli autas ch’èn las entradas e la furmaziun e plitgunsch che las Svizras ed ils Svizzers visitan instituziuns culturalas u s’engaschan sezs culturalmain. Persunas da la Svizra tudestga e da la Svizra romanda s’interessan pli fitg per la cultura che persunas dal Tessin.
Quantas bandieras svizras che mintga chasada posseda?
| 1 bandiera: | 18% |
| 2 bandieras: | 11% |
| 3-5 bandieras: | 17% |
| > 5 bandieras: | 10% |
Passa 56% da las chasadas svizras possedan damai almain ina bandiera naziunala. La pertschientuala è pli auta en Svizra tudestga ch’en Svizra romanda.
Retschertga d’opiniun represchentativa LINK/506 intervistas
