Die Anderen. Les autres. Gli altri. Ils auters.

Tge muventa ils Svizzers tudestgs, Romands, Tessinais e Rumantschs? Da tge tractan lur discurs quotidians? Tge temas èn tar els gist actuals? E pertge?

 

Ina giada l’emna s’avra sin Radio Rumantsch, DRS 1, La 1ère e Rete Uno ina fanestra ad ina da las autras regiuns linguisticas. Schurnalistas e schurnalists rapportan da lur part dal pajais per «Ils auters»: davart eveniments actuals, interessants, surprendents. En il center stattan temas divertents che sveglian l’interess per quai ch’è auter e nunenconuschent. Il spectrum è immens vast e cumpiglia las pli differentas spartas. La politica e las novitads classicas vegnan sclausas sapientivamain. Uschia datti spazi per fatgs interessants, per infos che na vegnan uschiglio mai tematisadas en las novitads surregiunalas e ch’èn tuttina uschè tipicas per mintga singula regiun svizra.

 

Las reportaschas vegnan mintgamai emessas la sonda resp. la dumengia sut il titel «Die Anderen. Les autres. Gli altri. Ils auters.» sin tut ils emprims programs da radio da la SRG SSR. Ils temps d’emissiun exacts chattais Vus qua. La finamira da questa collavuraziun interculturala è da surmuntar cunfins linguistics, d’eliminar barrieras mentalas e d’engrondir la chapientscha per quai ch’è ester.