Yvonne Dünser

Suenter la scola media commerziala ed in curt intermezzo en l’industria da banca ha Yvonne Dünser lavurà dudesch onns per l’emettur local Radio Grischa a Cuira – sco redactura, moderatura e manadra dals ressorts cultura, sport e musica. Dapi nov onns s’engascha ella ussa sco moderatura da DRS 1 a Turitg, viva però anc adina en la chapitala grischuna. Yvonne Dünser è d’udir en il program dal di e da la notg, surtut en las emissiuns emnilas da concerts sin giavisch e da la parada da hits «Nachtexpress» e «Bestseller». La Grischuna ha ultra da quai la responsabladad redacziunala per l’emissiun «Denk an mich».

 

Cunquai ch’ella è creschida si en il chantun Grischun triling, ha Yvonne Dünser gì gia da pitschna ensi ina relaziun cun il talian. Dapi sia uffanza passenta ella bler temp en las regiuns situadas en il sid dal San Bernardino – ella è fascinada da la regiun e da la glieud che viva là. Si’amur per l’italianità ha ina gronda influenza sin sia vita. Uschia ha ella dà nums talians a ses dus uffants ch’èn oz en la vegliadetgna da teenagers, cuschina tratgas meridiunalas ed ha fatg gia numerus viadis en il Tessin e l’Italia.