Riccarda Simonett

Cun 18 onns ha Riccarda Simonett surmuntà per l’emprima giada ils cunfins linguistics: ella ha fatg midada dal Grischun a La Chaux-de-Fonds. Là ha ella absolvì in praticum d’in onn tar la Banque Cantonale Neuchâteloise. Tge buna decisiun che quai è stà! En ses set onns sco redactura da sport tar il Schweizer Radio DRS è ella adina danovamain vegnida conscienta da quai – betg mo durant las emnas dal Tour de France.

 

Ils dus onns sequents ha Riccarda Simonett lavurà tar il Schurnal regiunal dal Grischun ed ha emprendì d’enconuscher anc meglier ses chantun e sasezza. Sper sia lavur ha ella giudì en ses temp privat grondius muments sin las pistas da skis grischunas. Ella ha vivì dus mais a Hawai ed ha terminà il maraton da New York. La stad 2010 ha ella puspè fatg ina midada professiunala: ella è ida giu Turitg per lavurar en il team da moderaziun da DRS 1. Riccarda Simonett ama las emissiuns en directa sco «100 onns lingia dal Bernina», «La perfuraziun dal Gottard», «Swiss Awards» e sco levamarvegl er il program da la damaun da
DRS 1.