Daniel Hitzig

Emprendì da discurrer franzos ha Daniel Hitzig sco delegà dal Comité internaziunal da la Crusch Cotschna (CICC) a Jerusalem, Gaza e Bagdad e sco collavuratur da l’Artéplage mobile du Jura (AMJ) en il rom da l’Expo.02. El tgira fin oz amicizias or da quel temp cun persunas da la Svizra romanda.

 

Sia carriera sco schurnalist ha Daniel Hitzig cumenzà tar DRS 3. Suenter è el stà durant intgins onns tar SF (Tagesschau, neXt, ch:filmclub), nua ch’el ha tgirà il 2008 «wir anderen», l’emprim project da l’idée suisse per l’integraziun e la migraziun che cumpiglia tut las regiuns linguisticas. Ses film critic, ma bainvulent «Die Schweiz – eine Idee» per il 75avel giubileum da la SRG SSR ch’è vegnì mussà sin ils chanals da televisiun da SRF, RTS, RSI ed RTR ha polarisà a l’intern da la SRG SSR cun sia avertadad en connex cun tabus helvetics.

 

Dapi il 2008 lavura Daniel Hitzig puspè per il radio. Tar DRS 1 è el in dals ospitants da l’emissiun da discussiun «Persönlich» che vegn emessa la dumengia. Plinavant fa el part dal team da moderaturs per «Doppelpunkt Forum», la debatta actuala da DRS 1.