Beat Jenal

Ad Alvagni, en in vitget tranter Tavau e Lai, ha Beat Jenal passentà sia uffanza e giuventetgna ensemen cun quatter fragliuns. Suenter la scola primara ha el frequentà la Scola da commerzi da Son Gagl. Alura ha el lavurà plirs onns tar differents patruns sco emploià da commerzi, l’emprim en Svizra e dal 1991 fin il 2006 er a l’exteriur. Uschia ha el tranter auter lavurà en in’ambassada per il Departament federal d’affars exteriurs. Suenter ses return en Svizra ed en ses chantun d’origin è Beat Jenal stà secretari communal a Churwalden.

 

Dapi il november 2008 lavura Beat Jenal tar il Radio Rumantsch. En sia funcziun da correspundent rapporta el dal Grischun Central; ses lieu da lavur è per quel motiv era Savognin. Cun sia dunna e las duas figlias da 4 e 5½ onns viva el oz a Lantsch, in pitschen vitg en la vischinanza da Lai.