Stéphane Gabioud

Grazia a sia mamma grischuna ha Stéphane Gabioud sviluppà gia baud in sensori per las linguas. En consequenza ha el studegià a l’universitad las linguas modernas tudestg, talian ed englais. Ultra da quai chapescha el oz er in pau sursilvan.

 

Dapi sia uffanza è Stéphane Gabioud quasi obsessiunà dal medium radio. Gia durant sia giuventetgna ha el gì la chaschun da far radio. Dapi diesch onns lavura el ussa tar Radio Télévision Suisse (RTS), actualmain sco manader da sectur da «Vie pratique» e sco co-moderatur dal magazin da consum «On en parle». Las audituras ed ils auditurs da DRS 1 enconuschan gia Stéphane Gabioud: dus onns a la lunga ha el rapportà la sonda a las 10.10 en l’emissiun da DRS 1 «Romandie aktuell» davart temas che occupavan gist la populaziun da la Svizra romanda.